ذكرتك يا عراق وقلبي موجوع
غركت بدمعي من ساسي لراسي
ولان لترابك انه هواية مشتاق
تجمد دمي وانكطعت انفاسي
حظك ما كعد وية اليحكموك
لان كلها تنام على الكراسي
مثل مركت صفيت بلاية الشراع
تودي الريح بيك بلا مراسي
اني من هجرتك ياعراق الخير
صرت بلاية قيمة بين ناسي
صرت امشي وانزل راسي خجلان
وانه الجان بأسمك عالي راسي
لكن لاتظن انساك انه بيوم
لان ادريك اله ما انت ناسي
احبك يا عراق وخلي كلشي يصير
لاجلك اجرع الغربة وأقاسي
من طين الفرات خلقني رب الكون
ورد بماي دجلة رش اساسي
وكمل صورتي وسواني انسان
وجعل حبي الك سادس حواسي
الجمعة يونيو 13, 2014 6:07 am من طرف 
