بشرني ها ياوطن شسولف اعله الجرى
وجهك كلاه التعب يبجي الصخر منظره
لشوكت تبقى بعد خنجر حقدهم قلم
ودم الشعب محبره
والكارثه ياوطن تزغر الحدايق كمت وتكبر المكبره
والموت بيك اختلف عشوائي صار الذبح
جان الذبح بالسره
وتنزل دموعك قهر مو عينك الي تصب
عين النفط مصدره
ابكل وطن عدنه اهل الجلاد كظ الشعب
واعله الدول طشره
جرحك لون ينرسم بكد ولدك الهاجروا
من لندن الانقره
وهذا اليكرهك منو ملثم اجه بالحقد
حتى الطفل كفره
ماسوه مثله بشر بمنجل مفخخ اجه
طب عالورد فجره
وجيرانك شكد شهم من مالكاله ظهر
بظهرك يظم خنجره
وشر البليه ضحك وسمحلي اسولف بعد
واحجيلك الي جره
بغداد جاعت امس تخبز بديه الخبز
وتوكل القاهره
البستان يدري الغصن للطير وهمي انصب
وفوك الغصن سيطره
من الطير حيل استحه ماكاله لاتجي
كض الغصن كسره
يعوجوك وانت الذي
تتعلم الخط عدل من عندك المسطره
واعدني باجر شمس ماريد اردن امس
ويتكرر الي جره
اوكف سنه بالشمس
بس غير مثل البرق يخطف على السيطره
__________________
الجمعة يونيو 13, 2014 6:07 am من طرف 
