كلفة شمسج شتت غيم الليالي
ورسمت وجوه الصباح بكل حنان
وعجبة حيلج شكك ثياب البلاوي
وثلم سيوف الكطعت جفوف الزمان
وحربة قلمج يطعن لسان الحقارة
وينشر اشعار المحبة بكل مكان
وحته زرعج ينبت بوسط الصحاري
ويثمر اعناب وفواكه واجمل الرمان
وذاك جسرج يجمع الكاظم بالاعظم
مثل خير يراضي اثنين خوان
تراهنو يم العواصم تذبل اخدودج عليج
وعلى موتت شبابج زيدوا هم الرهان
كالو يعذبج حزنه وتنتهي جلمة سرور
كالو تعجزين كالوا تسلمين روحج للمات
وعجزت اجفوف لحزنهم صارت اجفوفج حديد
وعاركيتي الموت يم دجلة وفرات
وصارت اخدودج حدايق رشت انواع العطور
وطلعتي انتي من الحزن باجمل صفات
وخضرت بيه المحبة وعانكت هامه الثرية
وكثرت طيور البلابل كثرت انواع النبات
لاجن كله هذه تبجي ما ترضه عليه
ترضه من تحضن ابنه ذاك بالغربة اليبات
ورغم كل هذه الجرالج تبقي يا دار السلام
خنجر بخصر اليضدج ونبضة بكليب الحيات
تحياتي
.....
....
...
..
.
الجمعة يونيو 13, 2014 6:07 am من طرف 
