خطية هذا الولد

اي طبعا الولد شون من يحب ويريد يصارح شكد عيب
طالب وعايف دروسي
واقره اشعار وجرايد
عاشگ بنيه بالقسم
والگلب بس الهه رايد
هيه حلوه . شلون حلوه ؟ حيل حلوه
بس ابوهه شلون واحد( اويلي)
بالحزن ناسيني اهلي
وحتى لون عيوني جارد
حاولت الفت نضرهه
بكل وسيله وماكو فايد
غيرت لبسي ومشيتي
وفكري بالمودات شارد
گعدتني ع الحديده
لا بعت حته الحدايد
جللت شعري و صبغته
والبست حته گلايد
لا تگلي ولا اگلك
بهذلتني الله شاهد
وهيه تدري بس خبيثه
مثولتهه . والدلال بارد
وانه نار بنص دليلي
خاف اصارحهه وتعاند
مره اگول احچي وياهه
ومره اگولن خليني راشد
وين چانتلي يا ربي
مو چنت متونس وگاعد
قررت لازم ابوح
بحبي الهه وما احايد
بوري ما بوري اسولف
قابل مصارح مجاهد
جيت وتقربت يمهه
جسمي يرجف حيلي بايد
والضغط گام ايتخربط
مره نازل مره صاعد
گمت اتمتم گمت اعتعت
گمت احس بالساني جامد
ردت افلت بس مترهم
گالت اتفضل شرايد ؟؟؟؟ (ها لك شعندك.) هع
گلت عفوا من رخصتچ
بلكي عندچ قلم زايد !!!!

خطيه هالولد

الكلمات رائعه..والمعاني اروح
سلمت الانامل